'Pethau Pawb' - A Library of Things. (Llanymddyfri/Llandovery)
Croeso i Llyfrgell y Pethau Llanymddyfri
Wyt ti’n gwybod bod dril newydd yn costio tua £50, ond yn ystod ei oes mae ond yn cael ei ddefnyddio ar gyfartaledd am 14 munud? Pam prynu pan y gelli fenthyg?
Pethau Pawb – 5 Stryd Cerrig, Llanymddyfri, SA20 0BX.
Ni yng nghanol y dref, ac mae bae llwytho gyferbyn â’r siop lle y gelli barcio am gyfnod byr i gasglu nwyddau.
Helen yn cyflwyno’r Llyfrgell Pethau.
Sut fydda i’n benthyg?
Er mwyn benthyg, bydd angen i ti greu cyfrif aelod ar-lein neu galw heibio i’n gweld ni. Mae angen i ti fod yn 18 oed neu drosodd, gyda cyfeiriad e-bost a gyda cerdyn debyd neu gredyd dilys y gelli ei gysylltu â dy gyfrif wrth gofrestru. Mae angen hefyd cytuno gyda’n telerau ac amodau. Y tro cyntaf y byddi’n benthyg eitem, bydd angen i ti ddod ag ID gyda ffotograff e.e. trwydded yrru neu fil gwasanaeth (utility bill).
Mae Helen yn rhoi syniad i chi o’r ystod eang o bethau y gallwch chi eu benthyca o’r Llyfrgell nawr. Ac mae’n tyfu drwy’r amser!
Oes rhaid talu i ymuno?
Mae aelodaeth am ddim, ond mae ffî fach am fenthyg a gelli di ei weld ar bob eitem yn y catalog.
Pam chi’n codi tâl am fenthyg?
Ni eisiau cadw pob un o’r eitemau ar waith am mor hir â phosib fel bod gan bawb y cyfle i’w defnyddio pan fydd angen – yn hytrach na’u bod yn eistedd mewn sied neu atig ac yn cael eu defnyddio unwaith neu ddwy y flwyddyn. Mae’r swm bach o arian ni’n gwneud o’r ffioedd benthyg yn mynd at dalu rhai o’n costau e.e. cynnal a chadw a thrwsio eitemau, eu storio’n ddiogel a thalu am yswiriant.
Darllenwch am rhai o’r pethau mae ein siop wedi’u cyflawni, gan gynnwys ein digwyddiadau a’n gweithdai.
Mae Helen yn cynghori Bridie o Bencader ar sut i sefydlu Llyfrgell o Bethau.
Mae Helen wedi gweithio’n agos gyda Pethau Pawb Emlyn, Castell Newydd Emlyn (Castell Newydd Emlyn), yn eu cynghori ar sut i sefydlu Llyfrgell o Bethau a’u helpu gyda hyrwyddo. Rydym hefyd yn gweithio’n agos gyda ‘Bentyg Cymru’, gan ddarparu cymorth a chyngor i ni.
Rhys yw Curadur ein Llyfrgell o Bethau ac mae ei sgiliau wrth atgyweirio a chynnal a chadw’r eitemau rydyn ni’n eu rhannu yn amhrisiadwy. Gweithiodd Rhys yn flaenorol fel Athro yng Ngholeg Sir Benfro, ond mae bellach yn canolbwyntio ar gefnogi ei gymuned leol yn Llanymddyfri a gall droi ei law at unrhyw beth ymarferol. Mae hefyd yn gwirfoddoli gyda’r Caffi Trwsio a gynhelir ym Mhethau Pawb unwaith y mis.
