Ein Tîm
Neil Lewis – Rheolwr 
(Rhan-amser)
Ymunodd Neil â ni o Gronfa Bancio Cymunedol Robert Owen ble’r oedd yn gweithio fel Rheolwr y Gronfa Ynni Cymunedol. Roedd y gronfa hon, sydd wedi ennill gwobrau lu, yn gymorth i ddatblygu tua 20 prosiect ynni adnewyddadwy sy’n eiddo i’r gymuned, ledled Cymru, trwy fenthyca dros £1.2 miliwn. Cyn hyn, bu’n gweithio i Fenter Cwm Gwendraeth Elli, gan roi cyngor i fentrau bach a chanolig yng nghefn gwlad Sir Gâr ynghylch ynni a chynaliadwyedd amgylcheddol.
Mae’n gyn-gadeirydd ar Gyngor Cymuned Abergwili ac mae ganddo Radd Meistr mewn Ynni a’r Amgylchedd o Brifysgol Dwyrain Llundain. Yn flaenorol mae Neil wedi gweithio fel Deintydd ac fel Llefarydd y Gymraeg ar gyfer y Gymdeithas Cadwraeth Forol. Mae ei ddiddordeb mewn ynni glân yn deillio o’i blentyndod wrth ymyl safle glo brig dwfn iawn . Roedd Neil hefyd yn Gydlynydd/Mentor i Adfywio Cymru. Mae wedi gyrru ceir trydan 120,000 o filltiroedd ar hyd a lled Cymru ac felly mae’n arbenigwr ar y diffyg seilwaith gwefru.
Sioned Haf - Cydlynydd
(Rhan-amser)
Mae Sioned yn gweithio’n rhan-amser i Ynni Sir Gâr ac yn gweithio o Langadog yn Nyffryn Tywi.
Mae ganddi ddoethuriaeth o Brifysgol Bangor ar y testun ‘Ynni Cymunedol yn yr Alban a Chymru’ ac mae’n parhau i
gyfrannu ymchwil at y maes hwn.
Mae wedi trefnu nifer o ddigwyddiadau er mwyn codi ymwybyddiaeth o botensial prosiectau ynni adnewyddadwy y mae’r gymuned yn berchen arnynt a chreodd nofel raffig er mwyn i ysgolion archwilio’r sector yn fanylach. Mae Sioned yn gyfarwyddwr ar DEG (Datblygiadau Egni Gwledig) yng ngogledd-orllewin Cymru ac Ynni Cymunedol Cymru.
Lleucu Meinir - Swyddog Cyfathrebu a Chyswllt Cymunedol
Ar ôl cwblhau gradd yn y Gymraeg bu Lleucu yn gweithio yn y gymuned gyda Cymdeithas yr Iaith am flwyddyn cyn dechrau cyfnod o 15 mlynedd yn gweithio yn y byd darlledu. Bu hefyd yn trefnu digwyddiadau cerddorol ar draws Cymru, yn gwneud gwaith ffotograffiaeth ac yn magu ei chyntaf anedig.
Yn 2011 symudodd nôl i’w hardal enedigol i fyw yng ngorllewin Cymru gan newid pwyslais ei gwaith i fod yn addysgwr ac yn ysgogydd yng nghymunedau gwledig Ceredigion a Sir Gâr trwy’r celfyddydau, perthnasedd hanesion lleol ac yn maes llês. Ochr yn ochr â hyn bu’n rhedeg busnes ffotograffiaeth Lluniau Lleucu ac yn magu 4 o blant. Ers 2023 mae Lleucu wedi bod yn Swyddog Cyfathrebu ac Ymgysylltu Cymunedol gyda cwmni cymdeithasol Ynni Sir Gâr.
Vanessa Bolton-Roe - Swyddog Prosiect Bwrlwm
Ymunodd Vanessa Ynni Sir Gar yn Tachwedd 2023, gan ddod gyda hi profiadau dysgu, cynnal digwyddiadau a gwaith cymunedol gyda hi. Gyda diddordeb mewn byw’n gynaliadwy ac wedi gweithio ar brosiectau Gwastraff Sero am y pum mlynedd diwethaf, roedd hi wrth ei bodd yn cael y cyfle i wneud gwahaniaeth yn ei chymuned hi ei hun a ffocysu ei gwaith yn Llanymddyfri a’r ardal cyfagos.
Mae ar hyn o bryd yn gweithio ar brosiect Bwrlwm ac yn chwilio am gyfleon i greu ynni adnewyddadwy lleol a rhoi ar waith mesuriadau effeithlonrwydd ynni, law yn llaw a cefnogi a datblygu prosiectau cynaliadwy megis digwyddiadau swapio ac uwchgylchu.
Helen Morris - Swyddog Prosiect Pethau Pawb (Llyfrgell y Pethau)
Helen sydd yn rhedeg Pethau Pawb, sef llyfrgell benthyca yn Llanymddyfri.
Yn wreiddiol o Landeilo, gweithiodd Helen yn y maes lletygarwch a gwasanaeth cwsmeriaid cyn dychwelyd i Brifysgol fel myfyrwraig aeddfed.
Ar ol graddio mewn gradd Masnacha, Helen oedd rheolwr i Relate Cymru cyn symud i Gaer i weithio am elusen oedd yn cefnogi teuluoedd mewn peryg o digartrefedd. Fe ddychwelodd Helen gartref i Landeilo er mwyn gweithio i Foothold Cymru am deng mlynedd, yn cefnogi pobol ifanc i’r byd gwaith a helpu sefydlu y Tool Shed yn Llanelli, y llyfrgell llogi offer cyntaf yng Nghymru.
Jade Fouracre-Reynolds - Cydlynydd a Swyddog Adrodd Ynni Dyfed
Mae Jade yn rheolwr prosiect profiadol ac yn ymarferydd creadigol sydd wedi’i lleoli yn Llanelli. Mae hi’n dod â chefndir mewn gwyddorau naturiol, ieithyddiaeth ac addysg i’w rôl gydag Ynni Sir Gâr ynghyd â phrofiad helaeth mewn ymgysylltu cymunedol a defnyddio gwyddoniaeth i wneud gwaith estyn mas, yn ogystal â’i gwaith gyda Sefydliad Lightyear a Phrifysgolion Caerdydd ac Abertawe.
Carol Lewis - Cydlynydd Swyddfa
Mae Carol yn gweithio’n rhan amser fel Cydlynydd Swyddfa, gan sicrhau bod y prosesau a’r systemau priodol yn eu lle i gefnogi’r tîm. Mae Carol hefyd yn cynorthwyo’r tîm gyda diweddaru’r wefan.
Dros y blynyddoedd mae Carol wedi gweithio i lawer o gwmnïau corfforaethol, gan gynnwys Kraft Foods ac American Express. Mae ei rolau blaenorol wedi cynnwys rheoli gwefan, cyfathrebu a datblygu cymunedol.
Mari Arthur - Cadeirydd
Ar hyn o bryd mae Mari yn bartner yn Afallen.Cymru LLP ac yn ymgynghorydd llawrydd ar farchnata a chyfathrebu sy’n arbenigo ar gynaliadwyedd. Tan yn gynnar yn 2020 roedd Mari yn Gyfarwyddwr Cynnal Cymru – Sustain Wales, ac mae wedi rheoli prosiectau traws-sector, gyda ffocws ar y sector cyfleustodau, cwsmeriaid hyglwyf, ymgysylltu â’r gymuned, cynaliadwyedd a’r amgylchedd yn ddiweddar.
Tom Defis - Trysorydd
Mae Tom wedi bod yn Gynghorydd Sir yn Sir Gâr ar gyfer Gorllewin Tref Caerfyrddin, er 2012. Mae’n aelod o Bwyllgor Craffu Gofal Cymdeithasol ac Iechyd a Phanel Adolygu Tai (Eilydd) y sir ac yn llywodraethwr ar gyfer ysgolion cyfrwng Cymraeg Bro Myrddin ac Ysgol y Dderwen. Ef hefyd yw cydlynydd Cymorth Cristnogol Gorllewin Cymru. Mae Cymorth Cristnogol yn gweithio i
waredu tlodi a threchu effeithiau tlodi ynghyd â’r achosion wrth wraidd tlodi.
Dai Lewis - Cyfarwyddwr
Mae Dai Lewis yn Rheolwr Rhaglen yn Offshore Renewable Energy Catapult, lle mae’n arwain prosiectau ymchwil sy’n canolbwyntio ar ddatblygu gallu a gwybodaeth fewnol ar gyfer y sector ynni adnewyddadwy alltraeth, yn ogystal â goruchwylio Rhaglenni Datblygu Cadwyn Gyflenwi o fewn y Bartneriaeth Twf Ynni Gwynt Alltraeth. Yn wreiddiol o Gaerdydd, ond, wedi’i leoli yng Nghaerfyrddin ers 2019, mae gan Dai ddoethuriaeth mewn Peirianneg Deunyddiau o Brifysgol Abertawe.
Mae Dai yn Gyfarwyddwr ac Ymddiriedolwr i PLANED, ac yn angerddol am gefnogi datblygiad a phobl leol. Mae’n gwasanaethu fel llywodraethwr ar gyfer Ysgol Gymunedol Peniel, ac fel dysgwr Cymraeg, mae wedi ymrwymo i gefnogi’r iaith. Mae Dai yn gyffrous i weithio gydag Ynni Sir Gâr, yn awyddus i gyfrannu at eu hamrywiaeth o brosiectau arloesol a chefnogi eu twf yn y gymuned.