Mynd i'r cynnwys

Cronfeydd Cymunedol

Ers mis Mehefin 2016, mae ein tyrbin gwynt cymunedol yn Rhydygwydd, Salem, Llandeilo wedi bod yn cynhyrchu ynni glân drwy’r egni sy’n cael ei ddal gan y gwynt. Mae’r tyrbin erbyn hyn wedi cynhyrchu digon o ynni ac arian er mwyn i ni greu’r tri crochan arian arbennig isod er mwyn cefnogi syniadau pobol ifanc, cymunedau a busnesau y sir i ddatgarboneiddio a gwireddu prosiectau i weithredu dros budd yr hinsawdd, ein heconomi cymunedol ac ein byd natur.

Cronfa Cymunedol (i grwpiau cymunedol)

Yn 2024/5, fe fuddsoddon ni £29,172 mewn pump prosiect trwy grantiau unigol yn amrywio rhwng £1,000 a £10,000:

  • Neuadd Trimsaran, i gyfrannu tuag at baneli solar am ei neuadd gymunedol 
  • SERO, Caerfyrddin, i gefnogi ei gwaith ar yr ymgyrch ‘Take the Jump‘ i hybu camau bach ond arloesol er mwyn gweithredu er budd yr hinsawdd yn ein bywydau personol ac o fewn ein cymuned
  • Parc Gwledig Llyn Llech Owain, Gorslas i gefnogi prosiect cadwraeth am Titw’r Helyg (sydd ar y rhestr goch rhywogaethau prind yng Nghymru)
  • Butterfly HQ, Llanelli i gefnogi ei prosiect i ymgysylltu gyda cymunedau yn Llanelli am gynaliadwyedd
  • Menter ar Gyfer Cadwraeth Natur Cymru, Trap, Llandeilo i gefnogi prosiect arbed cimwch yr afon

Yn 2023/4, fe fuddsoddon ni £31,000 mewn pump prosiect trwy grantiau unigol yn amrywio rhwng £300 a £10,000:

  • Clwb Rygbi, Nantgaredig i gyfrannu tuag at baneli solar newydd ar ei adeilad
  • Care and Repair Carmarthenshire, Caerfyrddin fel cyfraniad tuag at ei gwaith i sicrhau effeithlonrwydd ynni
  • Caerfyrddin Gyda’n Gilydd, i helpu iddynt dosbarthu a chodi adlewyrchwyr gwresogi (radiator reflectors) mewn tai yn dalgylch dref Caerfyrddin
  • Menter Iaith Cwm Gwendraeth, i gyfrannu tuag at effeithlonrywdd ynni a phaneli solar ar adeilad gymunedol Pafiliwn Penygroes
  • Llyfrgell Porthtywyn i gyfrannu tuag at greu gofod twym yn y gymuned

Cronfa Chwyldro (i blant a phobol ifanc)

Rydym yn gwahodd ceisiadau rhwng £50 a £300 i gefnogi syniadau pobol ifanc a phlant y sir (rhwng 8 ac 18) i ariannu eu syniadau a phrosiectau yn y maes gweithredu dros yr hinsawdd.

Lawrlwythwch a llenwch y ffurflen gais* yma, neu os hoffech chi fwy o fanylion neu â chwestiynau pellach am y gronfacysylltwch gydag Ynni Sir Gâr drwy e-bostio: sioned@ynnisirgar.org. Mae’r gronfa hon yn agored yn barhaol, ceisiwch amdani!

*am gopi Word o’r ffurflen gais, cysylltwch â ni er mwyn i ni eu anfon atoch

Rhwng 2022 a 2025 fe fuddsoddon ni £10,894 mewn saith prosiect yn benodol gyda pobol ifanc y sir:

  • Ysgol Uwchradd Bro Dinefwr, i ddatblygu ‘swap-Shop’ i arbed gwastraff defnydd a hybu’r syniad o rhannu ac ail-defnyddio dillad
  • Ysgol Gynradd Drefach, Ysgol Gynradd Cross-Hands ac Ysgol Gynradd Ty Croes, Rhydaman, cefnogi ei syniadau i greu gerddi yn yr ysgol er mwyn tyfu bwyd a lleihau’r carbon sy’n gysylltiedig  milltiroedd bwyd
  • Ysgol Gynradd Trimsaran i ddatblygu darn o dir gyhoeddus trwy ei phlannu  planhigion a coed afalau
  • Ynni Da, Sir Gaerfyrddin, er mwyn ymweld a rhedeg gweithdai gyda 29 o ysgolion y sir
  • Perllan Pencader, i gynorthwyo grwp o bobol ifanc yr ardal plannu perllan cymunedol 

 Mae grant Chwyldro ar gyfer plant a phobl ifanc Sir Gaerfyrddin wedi galluogi ‘Ynni Da’ i ymweld â 29 o ysgolion yn y sir i ddysgu am ynni, trydan ac effeithlonrwydd ynni mewn ffordd hwyliog.

Grant Chwyldro llwyddiannus i ardd gymunedol newydd ym Mhencader!

 

Benthyciad Llog Isel (i fusnesau lleol)

Pwrpas y llog hon yw i gefnogi busensau lleol i osod systemau ynni cynaliadwy neu cymeryd camau cadarnhaol i ol osod adeiladau fel rhan o’r ymgyrch ehangach i ddatgarboneiddio Sir Gaerfyrddin.

Os hoffech chi fwy o fanylion neu â chwestiynau pellach am y benthyciad arbennig hon, cysylltwch Ynni Sir Gâr drwy e-bostio: neil@ynnisirgar.org.